POSTAIS NO DÍA DE ROSALÍA

Todo o centro participou na proposta da AELG (Asociación de escritoras e escritores en lingua galega) para conmemorar o Día de Rosalía  ilustrando unha postal cun debuxo sobre unha estrofa de Alborada (Cantares Gallegos) que o alumnado entregou as súas familias como agasallo rosaliano o día 24 de febreiro.

 Unha presentación das postais e do proceso

PREPARANDO O DÍA DE ROSALÍA

As propostas sobre as que estamos traballando  para conmemorar o Día de Rosalía  son:

Exposición de libros na biblioteca

Recitado  do  poema "Adios ríos, adios fontes" na  Hora de ler o día 24 por parte do alumnado axudante de biblioteca e o club de lectura.

Entrega dun folleto informativo para as familias sobre a súa vida e obra

Pescudamos sobre Rosalía Investigo na miña biblioteca:

"Eu quero saber máis sobre....."

Seguindo a proposta da Asociación de escritoras e escritores en lingua galega AELG, escribimos e decoramos unha postal cun verso e un debuxo alusivo  a Rosalía que o alumnado entregará a súa familia como agasallo o día 24.

Ese mesmo día, os alumn@s que fagan empréstito de libros en galego serán agasallados  cun  marcapáxinas.

Pin co rostro da poetisa

Mural cos retratos de Rosalía ao estilo Andy Warhol feitos polos nenos  e nenas de educación infantil.

24 DE FEBREIRO,DÍA DE ROSALÍA

O  24 de Febreiro, conmemoramos o Día de Rosalía de Castro. Esta data  está fixada no Calendario do Libro e da Lectura como  aniversario do nacemento da nosa ilustre poetisa.

A AELG (Asociación de Escritoras e Escritores en Lingua Galega), ademais de animar a agasallar un libro  en galego e unha flor  convida a celebrar esta data nos centros de ensino con accións colectivas para difundir a súa obra . Propón a elaboración e envio dunha postal cun deseño alusivo ao día e cun verso para que o alumnado realice un debuxo en torno á figura de Rosalía de Castro.

Para coñecer  a súa vida e obra  deixamos unha recompilación de recursos e materiais para así achegarnos máis a ela.

Fundación e Casa Museo Rosalía de Castro

Recompilación da Biblioteca "Outeiro de Matilda"

Lim do Ceip "Alexandre Bóveda"

Lim basado no libro "Rosalía" editado 

pola Fundación Rosalía de Castro

Lim sobre o poema  "Parece unha rosa"

Presentación en prezzi do Ceip de Andrade

Fundación Barrié

Recompilación de poemas musicados  Son  de  poetas

UN ENTROIDO VIAXEIRO

Nunha fermosa mañá na que luciu o sol, chegou o esperado venres de  Entroido e o cole  encheuse de: 

 Viaxeir@s  que parten da estación do Seis en tren, barco ou en avión, turistas con cámara en man preparados e atendendo ás guías de Viaxes Tour 6, chulapos e chulapas do Madrid castizo, mochileir@s, explorador@s  desexosos de coñecer lugares, mochilas e Wallys na procura de aventuras.

 Educación Infantil 3 anos: Tren

Educación Infantil 4 anos: Barcos 

Educación Infantil 5 anos:Pilotos e azafatas de avión

1º: Turistas

2º:Chulapas e chulapos 

3º:Mochileir@s

4º:Explorador@s

5º:Mochilas

6º:Wally

Xa disfrazad@s baixamos ao pavillón e ao son da música iniciamos o noso desfile acompañado de  coreografías e bailes.

E coma sempre o pasarrúas polo barrio é un espectáculo.

De regreso ao cole, lectura do Testamento do Meco e indulto xa que o vindeiro curso seguiremos viaxando.

E para rematar a festa, degustación de doces típicos deste época (orellas, filloas,...).

Grazas a toda a  Comunidade Educativa que fan posible este Entroido.

Agardamos que disfrutarades tanto coma nós!!!!.Reportaxe dese día.

OBRADOIRO DE COCIÑA DE ENTROIDO

Como xa é costume no Seis, na semana de Entroido, organizamos un Obradoiro de Cociña con productos típicos destas datas.

Nesta ocasión foi o lacón obxecto de degustación.

Coral, Viri e Mª Luz foron as mestras e cociñeiras que prepararon esta receita:

Tosta de lacón ao aroma de pemento emulsionado en aceite de oliva, é dicir,....tosta de lacón á feira.

Contaron coa colaboración de dúas alumnas e un alumno de sexto que foron os encargad@s de explicar os ingredientes e o proceso de elaboración aos distintos grupos que foron pasando polo vestíbulo do cole.

Cada clase levou a súa bandexa  para a aula e alí degustaron as tostas.

Moitas grazas!!! Estaban boísimassss!!!!!!!!!

RESUMO DOS MANDADIÑOS DO MECO

Dende o luns estivemos seguindo os Mandadiños  do  Meco polo que a semana de Entroido foi moi divertida. Cada día tivemos que traer algo: unhas lentes, engalanar a cabeza e o pescozo e para rematar un pixama e o seu osiño.

RECURSOS PARA O ENTROIDO

Xa chegou  o Entroido  ao Seis  e con el a festa , a diversión e a troula!!!!

Nas seguintes ligazons atoparedes información e recursos sobre o tema para  traballar nas aulas.

Coordinadora Galega dos equipos de normalización e dinamización lingüística.

Recompilación da Biblioteca "O Recanto de Mik"

Recompilación da Biblioteca "Outeiro de Matilda"

Recompilación da  Aula-Tic Ferrol 

Información sobre a figura do entroido vigués
O Merdeiro

Lim de Julia  González  do Ceip Mestres Goldar sobre o Entroido Tradicional Galego

Información sobre o Entroido Galego polo CRA de Bergondo